कुमोद अधिकारी
४ जेठ,
विराटनगर । विराटनगर– ५ स्थित एभरेष्ट कलेजमा कक्षा ११ मा अध्ययनका लागि करिब ६ सय जना विद्यार्थीले प्रवेश परिक्षा दिएका छन् ।
एसईई उत्तिर्ण विद्यार्थीहरुले आज विहान ११ बजेदेखि परिक्षा दिएका हुन् । कलेजका भाईस प्रिन्सिपल टीएन भण्डारीका अनुसार ५ सय ७६ जना विद्यार्थी प्रवेश परिक्षामा सामेल भएका छन् । प्रवेश परिक्षा कक्षा ११ मा विज्ञान तथा व्यवस्थापन संकायको अध्ययनका लागि रहेको उहाँले बताउनुभयो । एभरेष्ट कलेजमा विज्ञान, कम्प्यूटर विज्ञान र व्यवस्थापन विषयको अध्यापन हुने गरेको छ ।
एउटा कक्षा कोठामा ३५ जना मात्र विद्यार्थी राखेर अध्यापन गराउने एभरेष्टले विज्ञान तर्फ चार सेक्सन र ब्यवस्थापन तर्फ दुई सेक्सन मात्र अध्यापन गराउने जनाएको छ ।
एभरेष्टका प्रिन्सिपल टिकाराम पुरीले निश्चित संख्यामा विद्यार्थी भर्ना गर्नुको उद्देश्य गुणस्तरीय शिक्षाका लागि रहेको बताउनुभयो । एभरेष्ट आफैंमा एउटा ब्राण्ड रहेकाले गुणस्तरलाई अत्यत्न ख्याल गरिने उहाँले बताउनुभयो । अत्यन्त सुविधा सम्पन्न भौतिक पूर्वाधारमा उच्चतम प्रविधियुक्त शैक्षिक वातावरणमा अध्यापन हुने एभरेष्ट विद्यार्थी र अभिभावकको रोजाईमा पर्दै गएको छ । सिमित संख्या, गुणस्तरीय शैक्षिक वातावरण, स्थिर उत्कृष्ट नतिजा, विभिन्न अतिरिक्त कृयाकलाप र अन्तर्राष्ट्रिय फोरमहरुको उपयोग गर्ने वातावरणका कारण विद्यार्थी र अभिभावक आकर्षित हुँदै गएको पाइन्छ ।