कुमोद अधिकारी
२६ मङसिर
कोशी प्रदेश प्रहरीका प्रमुख डिआईजी विनोद घिमिरेले फागुन–२१ ग्ते हुने निर्वाचन शान्तीपुर्ण रुपमा सम्पन्न गर्न नेपाल प्रहरी प्रतिवद्ध रहेको वताउनु भएको छ ।
कोशी प्रदेश प्रहरीको प्रमुख भएर आएपछि विहिवार आयोजित पत्रकारसँगको परिचयात्मक कार्यक्रममा उहाले तोकिएको समयमा निर्वाचन सम्पन्न गराउनु आफनु पहिलो प्राथमिक्ता रहेको प्रष्ट पार्नुभयो ।
अहिलेको अवस्थामा शान्तीपुर्ण रुपमाले निर्वाचन सम्पन्न गराउनु प्रहरीको मुख्य उदेश्य रहेकाले निर्वाचनका लागि शान्ती सुरक्षाको वातावरण वनाउन प्रहरी सक्रिय भएर लागेको उहाको भनाई थियो ।
कोशी प्रदेसका १४ वटै जिल्लामा पुगेर त्याहाका राजनितिकदल तथा नागरिक समाजसंग छलफल गर्दै निर्वाचनका लागि सहज वातवारण वनाउने कार्यमा आफु लागेको उहाको भनाई थियो ।
उहाले विगतमा जस्तो सशत्र समुहले निर्वाचन विथोल्ने र वहिष्कार गर्ने संभावन नरहेको र सवैदलले निर्वाचनमाा सहभागि हुने प्रतिवद्धता जनाई सकेकाल अवस्थामा निर्वाचनका लागि कुनै प्रकारको सुरक्षा चुनौती समेत नरहेको प्रष्ट पार्नुभयो । यधपी निर्वाचनमा हुन सक्ने संभावित खतरा रोक्न सोही अनुसार प्रहरी परिचालन भएकाले उहाको भनाई थियो ।
एक पश्नमा उहाले सीटी सफारीलाई व्यवस्थित गर्नेबारे कोशी प्रदेश सरकारसँग छलफल भइरहेको बताउनुभयो । सीटी सफारीका कारण सडक अस्तव्यस्त भएका स्थानमा ‘सुरक्षित चालक’ अभियान चलाउन लागेको उहाको भनाई थियो ।
डिआईजी घिमिरेले सीटी सफारी चालकले सफारी सञ्चालनको सवै मापदण्ड पुरा गरेपछि ‘सुरक्षित चालक’ लेखिएको भेष्ट दिइने र सोही भेष्ट लगाएकाहरुले सञ्चालन गरेको सीटीमा मात्र यात्रा गर्न सर्वसाधारणहरुलाई आग्रह गर्ने वताउनुभयो ।
डिआईजी घिमिरेले ट्राफिक व्यवस्थापन हातबाट गरिनु लज्जाको विषय भएको बताउनुभयो । प्रविधिका माध्यमबाट हुनुपर्ने काम हातबाट गर्नुपरेको उहाँले बताउनुभयो । जेनजी आन्दोलनका कारण ट्राफिक लाईटमा क्षतिगर्ने काम गर्नु ठिक नभएको उहाँको भनाई छ
जेनजी आन्दोलनका क्रममा घुसपैठ गरि चोरी, लुटपाट र आजगजीमा संलग्नहरुलाई पक्राउ गरिछाड्ने उहाँले प्रतिबद्धता समेत जनाउनुभयो । डिआईजी घिमिरेले भन्नुभयो,‘ जेनजी आन्दोलनका समयमा आपराधिक कार्यमा संलग्नहरु विरुद्ध उजुरी दिने समय ६ महिना मात्र रहेकाले छिटो उजुरी दिन आग्रह गर्दछु ।’
डिआईजी घिमिरेले गत भदौ २३ र २४ गतेको आन्दोलनका कारण प्रहरीको मनोवल नघटेको उहाले वताउनुभयो । कोशी प्रदेशको नेतृत्व सम्हालेपछि विभिन्न जिल्लाहरुमा पुग्दा प्रहरीको मनोवल उच्च पाएको उहाको भनाई थियो ।
जेनजी आन्दोलनको क्रममा फरार भएका कैदीवन्दी धमाधम पक्राउ परिरहेको उहाको भनाई थियो । फरार कैदीवन्दी लाई पक्राउ गर्न प्रहरीले अभियान नै चलाएको डिआईजी घिमिरेको भनाई थियो ।