कुमोद अधिकारी
३१ जेठ,
विराटनगर । कोशी प्रदेशका मुख्यमन्त्री हिक्मत कुमार कार्कीले प्रदेश सरकारले खेल क्षेत्रलाई प्राथमिकतामा राखेर काम गरिरहेर्को बताउनुभएको छ ।
राष्ट्रपति रनिङ सिल्ड प्रतियोगितामा पदक पाउने खेलाडीहरूको सम्मानका लागि मुख्यमन्त्री निवासमा आज आयोजना गरिएको चियापान कार्यक्रममा मुख्यमन्त्री कार्कीले खेल क्षेत्रमा लाग्ने कुनै पनि खेलाडी निराश नहुने गरी प्रदेश सरकारले काम गरिरहेको बताउनुभयो ।
विद्यालय उमेरका किशोर किशोरीलाई खेलका मार्फत आकर्षित गरेर अगाडि बढाउनका लागि पुरस्कार र सम्मान राखेर प्रदेश अघि बढिरहेको उहाँले बताउनुभयो।
मुख्यमन्त्री कार्कीले, भन्नुभयो हामी प्रदेशमा खेल क्षेत्रलाई अत्यन्तै प्राथमिकतामा राखेर काम गर्नेछौं।, गत जेठ २० गतेदेखि २२ गतेसम्म काठमाडौँमा भएको राष्ट्रपति रनिङसिल्ड प्रतियोगितामा कोशी प्रदेशका खेलाडीले स्वर्ण ,काश्य र रजत गरेर २८ पदक पाएका छन्। चारजनाले स्वर्ण पदक समेत जितेका छन्।
कोशी प्रदेश सरकारले स्वर्ण पदक विजेतालाई १ लाख रजत पदक विजेतालाई ७५ हजार, काश्य पदक विजेतालाई ५० हजार र खेलका प्रशिक्षकलाई १५ हजार साथै व्यवस्थापकलाई १० हजार गरेर सम्मान गर्ने कार्यक्रम राखेको छ। कार्यक्रममा सामाजिक विकास मन्त्री रामप्रसाद मेहेता, उद्योग ,कृषि तथा सहकारी मन्त्री ईश्राइल मन्सुरीको सहभागिता रहेको थियो ।