कुमोद अधिकारी विराटनगर
१२ असोज,
कोशी प्रदेशका मुख्यमन्त्री हिक्मतकुमार कार्कीले निरन्तर वर्षाका कारण डुवानमा परेका क्षेत्रको निरिक्षण गर्नु भएको छ ।
कोशी ब्यारेज र बराह क्षेत्र आसपासका डुवान क्षेत्रको उहाले निरीक्षण गर्नु भएको छ । आज दिउँसो मुख्यमन्त्री कार्की तथा तीनवटै सुरक्षा निकायका प्रमुखले डुवान क्षेत्रका निरिक्षण गर्नु भएको हो ।
मुख्यमन्त्री कार्कीले बराह क्षेत्र नगरपालिका ६ र ९ मा बाढीमा फसेका ३४ जनाको उद्दार गर्न सुरक्षा निकायका प्रमुखहरुलाइ निर्देशन दिनुभयो । स्थलगत निरीक्षण पछि मुख्यमन्त्री कार्कीले उनीहरुको उद्दारका लागि सुरक्षा निकायसँग समन्वय गर्नु भएको हो । उनिहरुलाई हेलिकप्टरमार्फत उद्दार गर्ने तयारी भइ रहेको छ ।
यस्तै प्रदेश भर वर्षा भइ रहेको र बाढी पहिरो आइरहेको अवस्थामा तयारी अवस्थामा रहन सुरक्षा निकायलाई उहाले निर्देशन दिनु भयो अहिले कोशी ब्यारेजमा पानीको बहाव ५ लाख ३१ हजार ७ सय ५० मापन गरिएको छ ।
अहिले प्रदेशका सबै बाढी पहिरो गएको क्षेत्रमा उद्दार र राहतको काम सुरु भएको मुख्यमन्त्री कार्कीले जानकारी दिनु भयो । कोशीमा पानीको बहाव लगातार बढेपछि मुख्यमन्त्री कार्कीको निरीक्षण लगत्तै कोशी ब्यारेजको पुलबाट अत्यावश्यक बाहेकका सवारी साधनलाइ आवागमनमा रोक लगाइएको छ ।